Sot, së bashku me miliona vullnetarë në mbarë botën, kontribuuam për një mjedis më të pastër dhe më të shëndetshëm, në kuadër të Ditës Botërore të Pastrimit. Me shumë përkushtim dhe energji, u realizua një aksion madhështor në Prishtinë dhe në shumë lokacione të tjera në Kosovë.

Një falënderim i veçantë për KFOR-in dhe Komunën e Prishtinës për bashkëorganizimin dhe mbështetjen e këtij aksioni. Aksioni i sotëm ishte i pasur me pjesëmarrës nga institucione të rëndësishme, përfshirë Shefin e Zyrës së BE-së në Kosovë dhe stafin e tij për punën e jashtëzakonshme sot, Ambasadorin e Britanisë së Madhe, Ambasadorin e Francës, zv. Ambasadorin e Holandës, përfaqësuesin e Ambasadës së Gjermanisë, stafin dhe policët e EULEX-it, zyrtarë nga UNMIK, Shefen e Zyrës së UNICEF-it dhe stafin e saj, si dhe përfaqësuesen e Fondacionit Akuo.

Gjithashtu, falënderojmë nga zemra nxënësit dhe mësimdhënësit e shkollave të Prishtinës, Drejtorinë Komunale të Shërbimeve Publike dhe Drejtorinë e Arsimit të Prishtinës, si dhe stafin e Prishtina Mall, Bankës Ekonomike, Meridian Express, Ujit Rugove, KFC, Kompanisë së Sigurimeve “Siguria”, Galeria Mall, dhe Kuzhinës Qendrore për mbështetjen e tyre të jashtëzakonshme.

Një falënderim i veçantë për Policinë e Kosovës për mbajtjen e rendit dhe për Kompaninë Rajonale të Menaxhimit të Mbeturinave për punën e palodhshme gjatë ditës së sotme.

Po ashtu, falenderojmë Trafikun Urban për transportin e vullnetarëve, duke e bërë të mundur aksionin në të gjitha lokacionet.

Falënderojmë nga zemra për të gjithë vullnetarët e përkushtuar që sot kontribuuan me duart e tyre për një Kosovë më të pastër.

Bashkë për një mjedis më të pastër, sot dhe çdo ditë!